PALERMO, 4 dhjetor /ATSH-DPA/- Kreu i ri i mafies italiane e njohur si “Cosa Nostra”, është kapur gjatë një aksioni policor që çoi në 45 arrestime, sipas policisë italiane dhe karabinierëve.
Karabinierët identifikuan mafiozin si Settimo Mineo.
Agjencia e lajmeve ANSA dhe televizioni shtetëror RAI thanë se ai është 80 vjeç dhe punonte zyrtarisht si një argjendar.
Settimo Mineo nuk ishte i njohur më parë për publikun e gjerë.
Në një deklaratë, policia tha se “ai ishte emëruar kreu i Komisionit Krahinor të Palermos, tradicionalisht strukturë udhëheqëse brenda organizatës së Cosa Nostra”.
Krerët e mëparshëm të Komisionit, të njohur gjithashtu si “kupola”, përfshijnë edhe super-bosët e famshëm të mafies si Salvatore “Toto” Rina dhe Bernardo Provenzano, të cilët vdiqën në burg gjatë dy viteve të fundit. /os/ /G.S/
