PARIS, 3 dhjetor /ATSH-AFP/ – Luka Modriç, 33 vjeç, mesfushor i kombëtares së Kroacisë dhe “Real Madridit”, mori sot Topin e Artë, trofeu më prestigjioz individual që i jepet një lojtari në futboll dhe i përcaktuar nga vota e gazetarëve.
Pas votimit, Modriç përfundoi në krye të podiumit para francezëve, kampionë bote, Antuan Griezman (3) dhe Kilian Mbape (4), si dhe para portugezit dhe ish-shokut të skuadrës Kristiano Ronalod (2) që është edhe mbajtësi i këtij titulli.
Modriç i jep fund mbretërimit të dyshes Lionel Mesi – Kristiano Ronaldo, fitues të 10 trofeve të fundit (pesë për secilin). Argjentinasi këtë herë përfundoi në vend të pestë. /G.S/
