TIRANë, 26 nëntor /ATSH/ – Federata Shqiptare e Futbollit ka shkarkuar disa nga trajnerët e moshave dhe i vetmi trajner që ka shpëtuar ka qenë Alban Bushi, trajneri i kombëtares së shpresave.
Erjon Bogdani nuk do të jetë më trajner i Kombëtares U-19, vendin e tij e ka zënë, ish-mbrojtësi Nevil Dede.
Ndryshime edhe në Kombëtaren U-17 teksa pas largimit të Mustedanagiç, i cili do të mbajë postin e drejtorit të ekipeve kombëtare, vendin e tij e ka zënë shkodrani Elvis Beqiri.
Nuk mund të shpëtonte nga ky ristrukturim as trajneri i Kombëtares U-15 Eqerem Memushi. Vlonjati është shkarkuar, pozicionin e tij e ka marrë Armand Damo.
Të gjithë trajnerët e rinj pritet të prezantohen ditën e nesërme. /e.caushi/
