TIRANË, 22 nëntor/ATSH/- Të rinjtë e Përrenjasit ndanë mesazhe të rëndësishme ndaj fenomenit të bullizmit në shkolla.
Në kuadër të Ditës Kombëtare kundër Bullizmit në Sistemin Arsimor rreth 250 pjesëmarrës ishin pjesë e fushatës ndërgjegjësuese ku ndanë me bashkëmoshatarët e tyre mesazhe advokuese ndërsa Shërbimi Social Shtetëror ndau informacionin mbi rolin e rëndësishëm që ka ky institucion në bashkëpunim me të gjithë aktorët publik dhe jopublik në mbrojtjen e fëmijëve.
Projekti “Rini Aktive – Jo Dhunës” u mbështet nga Programi Rajonal mbi Demokracinë Vendore në Ballkanin Perëndimor me financim nga Bashkimi Europian dhe zbatim nga Programi i Kombeve të Bashkuara për Zhvillim (UNDP).
/a.g/
