HAVANË, 21 nëntor /ATSH-AFP/ – Kryeministri spanjoll Pedro Sanchez fillon nesër një vizitë zyrtare në Kubë, e para e një shefi qeverie të Spanjës që prej 30 vitesh, në çastin kur Havana i shikon europianët si aleatë të mundshëm përballë Donald Trump.
Në pushtet prej më pak se gjashtë muaj, kreu i ri socialist spanjoll do të qëndrojë dy ditë në ishullin komunist, me një axhendë ku përzihen politika, ekonomia dhe kultura.
Ky është kreu i parë i një qeverie spanjolle që ka zhvilluar një vizitë zyrtare në Kubë prej 30 vitesh, i fundit kishte qenë socialisti Felipe Gonzalez në vitin 1986.
“Pedro Sanchez synon të normalizojë, stabilizojë dhe thellojë marrëdhëniet mes Spanjës dhe Kubës”, theksoi një burim në Madrid. /G.S/ a.jor.
