LONDËR, 15 nëntor /ATSH-ANSA/- Udhëheqësi i laburistëve, Jeremy Corbyn denoncoi draftmarrëveshjen për Brexit, e arritur mes BE-së dhe Londrës si një dështim të madh.
Corbyn thekson se drafti e lë Britaninë në një udhëkryq dhe nuk jep siguri për marrëdhëniet përfundimtare me BE-në mbi çështjen irlandeze.
Udhëheqësi i laburistëve refuzon “zgjedhjen e rreme midis kësaj marrëveshjeje të keqe dhe një marrëveshjeje që nuk mund të jetë një opsion i vërtetë”.
Sipas Corbyn ”propozimi i synuar nga qeveria nuk ka as pëlqimin e Parlamentit dhe as të njerëzve të këtij vendi”./ /os/ a.jor.
