TIRANË, 9 nëntor /ATSH/ – Komunitetet fetare luajnë rol në edukimin patriotik, kombëtar e qytetar të brezit të ri.
Kryetari i Kuvendit të Shqipërisë, Gramoz Ruçi priti sot në Kryesinë e Kuvendit, kreun e Komunitetit Mysliman të Shqipërisë, Skënder Bruçaj.
Gjatë takimit u diskutua mbi rolin e Komunitetit Mysliman dhe komuniteteve fetare të Shqipërisë në edukimin patriotik, kombëtar e qytetar të brezit të ri dhe njohjen e vajzave e djemve të sotëm të Shqipërisë me traditat historike, kulturore, fetare dhe arsimore të shqiptarëve.
Në përfundim të takimit, të dyja palët shprehën mirënjohjen për bashkëpunimin shumë të mirë ndërmjet institucioneve dhe shprehen vullnetin për vijuar me sukses zbatimin e reformave të ndërmarra.
/gj.mima/j.p/
