STRASBURG, 26 tetor /ATSH-ANSA/ – Parlamenti Europian bën thirrje për ndalimin e grupeve neofashiste dhe neonaziste në BE, theksuan burime pranë tij.
Me një rezolutë jolegjislative, që u miratua me 355 vota pro, 90 kundër dhe 39 abstenime, deputetët e PE u bëjnë thirrje autoriteteve kombëtare të ndalojnë formimin e grupeve të lartpërmendura dhe të çdo shoqate tjetër që glorifikon nazizmin dhe fashizmin si dhe ksenofobinë.
Teksti i miratuar kujtoi mes të tjerash sulmin që që shkaktoi 77 viktima në Norvegji në vitin 2011 nga Breivik, vrasjen e deputetes britanike Jo Cox në 2016 si dhe sulmin i fundit fashist nga Casa Pound kundër deputetes evropiane Eleonora Forenza.
Theksohet gjithashtu mungesa e ashpërsisë për neofashistët në disa shtete, marrëveshja e dyshuar midis politikanëve dhe policisë me neofashistët dhe neonazistët si edhe zbatimi i masave të nevojshme kundër racizmit dhe ksenofobisë në stadiumet e futbollit./ /os/ a.jor.
