TIRANË, 25 tetor /ATSH/ – Bashkëpunimi mes Shqipërisë dhe Italisë vijon të forcohet, ndërsa zv.kryeministrja e vendit Senida Mesi gjatë vizitës në bizneset ndërkombëtare italiane vlerësoi kontributin mes dy vendeve dhe bashkëpunimin në fushën e biznesit.
Gjatë këtij takimi, ku u prezantuam të gjitha nismat fiskale dhe ligjore që ka ndërmarrë qeveria shqiptare, Mesi vlerësoi nxitjen e investimeve të huaja direkte në fushën e turizmit, agrobiznesit dhe teknologjisë së informacionit.
Sipas saj, inovacioni është një prioritet i qeverisë shqiptare që vazhdon të ketë fokus bashkëpunimin me kompani serioze në fushën e përmirësimit dhe dixhitalizimit të shërbimeve publike.
“Ky hap i shërben vijimësisë së një bashkëpunimi reciprok Shqipëri – Itali, me qëllim që përvoja italiane të transferohet në rritje profesionale për bizneset shqiptare dhe tregu ynë të jetë një përthithës i qëndrueshëm i investimeve të huaja”, – u shpreh zv.kryeministrja Senida Mesi. /a.a/j.p/
