BRUKSEL, 15 tetor /ATSH-DPA/- Këshilli i BE-së ka miratuar një regjim të ri masash kufizuese për të luftuar përdorimin dhe përhapjen e armëve kimike, sipas njoftimit të Këshillit të Bashkimit Europian.
Vendimi u mor pas rastit të helmimit të ish-spiunit të dyfishtë rus, Sergei Skripal dhe vajzës së tij, Julia.
Me këtë mekanizëm të ri BE mund të imponojë sanksione për njerëzit dhe entitetet e përfshira në zhvillimin dhe përdorimin e armëve kimike, pavarësisht nga kombësia e tyre dhe vendin ku ndodhen.
Masat kufizuese mund të përfshijnë cilindo përgjegjës për zhvillimin dhe përdorimin e armëve kimike, të cilët i mbështesin ato me mjete financiare, teknikë ose material dhe që bashkëpunojnë me ta.
Sanksionet parashikojnë ndalimin e udhëtimit në BE dhe ngrirjen e aseteve.
Është gjithashtu e ndaluar për personat e BE-së të vendosin fonde në dispozicion të njerëzve dhe entiteteve të përfshira në listë./ /os/ a.jor.
