TIRANË, 4 tetor/ATSH/ – Tetari i ri Kombëtar do të ndërtohet në territorin e teatrit aktual.
Kështu u shpreh Kryeministri Edi Rama gjatë një interviste televizive, ku iu përgjigj pyetjeve të panelit të analistëve duke theksuar se në territorin e teatrit aktual do të ndërtohet vetëm teatri dhe jo kulla, siç pretendohet.
”Ajo godinë nuk mund të jetë më teatër. Ndërtimi i një teatri të ri është një e mirë për të gjithë qytetarët e Tiranës. E para, të thuash që grabitet tokë publike është një fjalë shumë e madhe. Ndërkohë që në tokën e teatrit do të ndërtohet një teatër i ri dhe nuk do ndërtohen 7 kulla si thoni ju. Nuk do t’i humbë asnjë metër teatrit. Por mbrapa ka dhe një truall privat dhe nuk është klient i qeverisë ai që do të ndërtojë. Nëse do shohim të gjitha fitimet e korporatave në Shqipëri, ato kanë më pak fitime se para 2013. Sot ka më shumë biznesmenë në numër, që fitojnë më pak e paguajnë më shumë taksa”, – theksoi Rama. /e.caushi/
