Foto – Kanioni i Holtës, fundjava sjell vizitorë vendas e të huaj

TIRANË, 10 shtator /ATSH/ Një fundjavë e mbushur plot me vizitorë vendas e të huaj në monumentin e Natyrës “Kanioni i Holtës” Gramsh. Fotografitë e sjella nga AdZM Elbasan tregojnë një numër të madh vizitorësh që kanë preferuar që fundjavën ta kalojnë në këtë mrekulli natyrore.

Jo shumë kohë më parë, një destinacion i panjohur edhe për vetë shqiptarët, kanioni i Holtës po kthehet në një vend tepër të vizitueshëm.

Bëhet fjalë për një destinacion të mrekullueshëm karstik që gjendet vetëm  87  km nga Tirana dhe që ka një vlerë natyrore të madhe.  Ndodhet pranë fshatit Kabash në juglindje të Gramshit.

Kanioni  i  Holtes është rreth 3 km i gjate  dhe në dalje të grykës  ngushtohet  deri në 10m. Në shpatet e kanionit ndodhen dhe shumë shpella karstike të  paeksploruara. Veç  lumit në shpatet malore të zonës gjenden dhe drurë  të rrallë si panja, por  jo vetëm e mjaft specie në zhdukje. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.