UASHINGTON, 26 gusht /ATSH-AFP/ – Senatori John McCain, piloti i torturuar gjatë Luftës së Vietnamit, kandidat për drejtimin e Shtëpisë së Bardhë dhe një figurë anti-konformiste në politikën amerikane, vdiq të shtunën në moshën 81 vjeç nga sëmundja e kancerit në tru.
Zyra e senatorit republikan njoftoi të shtunën në mbrëmje vdekjen e tij, i rrethuar nga gruaja Cindy dhe familja e tij.
‘’Deri në momentin e vdekjen, ai i shërbeu me devotshmëri SHBA-së për gati gjashtëdhjetë vite’’, deklaroi zyra e tij në një komunikatë për shtyp.
John McCain që nga korriku 2017 po kurohej për glioblastomën, një formë shumë agresive e kancerit me një probabilitet shumë të ulët për të mbijetuar. Familja e tij njoftoi të premten se ai kishte vendosur të ndërpriste trajtimin mjekësor, pasi sëmundja po avanconte në mënyrë shumë të shpejtë. Ai vdiq një ditë më pas./
/v.b/
