TEHERAN, 26 gusht /ATSH-AFP/ – Parlamenti iranian votoi të dielën pro shkarkimit të ministrit të Ekonomisë dhe Financave, Massoud Karbassian, një tjetër dështim për qeverinë e presidentit Hassan Rohani, i cili po përballet me një krizë ekonomike në sfondin e sanksioneve amerikane.
Gjatë mocionit të mosbesimit të transmetuar në radio, figura e ministrit Karbasian nuk u mbështet nga 137 parlamentarë kundrejt 121 pro dhe dy abstenime. Ai renditet ministri i dytë i shkarkuar që prej fillimit të muajit me votim në Parlament, pas atij të Punës, Ali Rabiie, më 8 gusht.
Irani po lufton për vite me radhë kundër normave të larta të inflacionit dhe papunësisë, pavarësisht nga një përmirësim i lehtë pas marrëveshjes bërthamore të nënshkruar në vitin 2015 me fuqitë kryesore, që mundësoi heqjen e sanksioneve ndërkombëtare dhe ardhjen e shumë investitorë të huaj në vend./
/v.b/
