TIRANË, 14 gusht/ATSH/ Bashkia Cërrik për herë të parë pas viteve ’90 ka nisur punën për rehabilitimin e infrastrukturës të fshatit Xherije.
Faza e parë e punimeve parashikon shtrimin e një pjese të rrugës në qendër të fshatit, ndërtimin e kanaleve të betonit si edhe mureve mbajtës. Po kështu kjo pjesë e rrugës do të ndriçohet duke e shndërruar atë në shëtitore për banorët e fshatit.
Vlera e investimit në këtë fazë të parë është 6 milionë lekë të reja.
Fshati Xherije ka vuajtur prej 28 vitesh mungesën e investimeve totale dhe lënien në harresë. Me anë të këtij investimi, bashkia Cërrik synon të përmirësojë strukturën infrastrukturore në fshatrat e territorit që mbulon. /m.m/
