UASHINGTON, 18 korrik /ATSH-AFP/ – Një këshilltar ekonomik i Presidentit Trump u shpreh sot se topi ishte në fushën e Kinës në sprovën tregtare që po përballet Uashingtoni me Pekinin.
“Besoj se Kina do të dëshironte një marrëveshje, por presidenti Xi nuk e aspiron për momentin”, – pohoi Larry Kudlow në stacionin informues financiar CNBC.
“Ai duhet të veprojë, ne po presim, topi është në anën e tij dhe politika e mbishtesës së çmimit nuk është alternativa e preferuar e askujt”, – deklaroi Kudlow.
Ai shtoi se Presidenti Trump ishte shumë i pakënaqur nga Kina në lidhje me të ashtuquajturat negociata dhe se ai do të vazhdonte të ushtronte presion.
Këshilltari, pjesë e administratës Trump, pretendon se mbështet tregtinë e lirë dhe është kundër tarifave doganore ashtu si sekretari për Thesarin, Steven Mnuchin, duke mbështetur gjithashtu idenë që taksat doganore të zbatohen mbi vlerën e përgjithshme prej 500 miliardë dollarë të mallrave të importuara kineze.
/v.b/
