MOSKË, 27 qershor /ATSH-AFP/ – Trajneri gjerman, Hoakim Lëv do të mbetet në postin e tij pas Botërorit edhe në rast dështimi, konfirmoi presidenti i Federatës (DFB) Reinhard Grindel, ndërkohë që kampionët e botës luajnë sot kundër Koresë së Jugut.
“Para Botërorit, ne kishim vendosur me drejtorinë e Federatës për të zgjatur kontratën e Lëv deri në vitin 2022, sepse mendojmë se askush më mirë se ai nuk mund të menaxhojë rindërtimin që do të jetë i nevojshëm pas Botërorit, çfarëdo që të ndodhë”, theksoi Grindel për të përditshmen gjermane të Frankfurtit FAZ.
“Një vit më parë, ai provoi, duke fituar Kupën e Konfederatave se ishte i aftë për të formuar një ekip inpresionut duke praktikuar një futboll ekselent me lojtarët e rinj.
“Këto arsye vazhdojnë të jenë të vlefshme, edhe nëse Mannschaft do të eliminohet që prej turit të parë”, shtoi Grindel.
Lëv, zëvendës i paraardhësit të tij, Jurgen Klinsmann duke nisur nga viti 2004, u bë trajner pas Botërorit 2006./ /ec/ a.jor.
