ROMË, 20 qershor /ATSH-ANSA/ – Italia po kontribuon me solidaritetin, ndihmën dhe mikpritjen e atyre që u detyruan të largohen nga tokat e tyre dhe bënë përpjekje për të gjetur shpresën e një të ardhmeje më të mirë për veten dhe për fëmijët e tyre, deklaroi presidenti italian Sergio Mattarella, në një mesazh me rastin e Ditës Botërore të Refugjatëve.
“I bëj thirrje komunitetit ndërkombëtar dhe Bashkimit Europian të ndërmarrë hapat e duhura. Republika Italiane respekton rregullat e vendosura nga ligji ndërkombëtar për pritjen e atyre që kanë të drejtë për mbrojtje”, shkruan Mattarella.
“Tragjedia e refugjatëve, burrave, grave dhe fëmijëve të detyruar të largohen nga shtëpitë e tyre në kërkim të një vendi për të jetuar tani është më aktuale në mënyrë dramatike, pasi siç theksuan edhe Kombet e Bashkuara, komuniteti ndërkombëtar duhet të punojë me zgjidhje të përbashkëta politike dhe largpamëse për të menaxhuar një fenomen që ndikon në të gjithë botën’’, u shpreh presidenti.
”Bashkimi Europian, në veçanti, duhet të jetë në gjendje për të ndërhyrë si një i tërë”, shtoi ai./ /os/ a.jor.
