BOGOTA, 18 qershor /ATSH-AFP/ – Kandidati i së djathtës, Ivan Duque fitoi dje turin e dytë të zgjedhjeve presidenciale në Kolumbi dhe do të pasojë Juan Manuel Santos, në përfundim të një dueli të pazakontë me përfaqësuesin e së majtës, Gustavo Petro.
Sipas rezultateve zyrtare nga 96,99% e votave të numëruara, Ivan Duque, kandidat i Qendrës Demokratike (CD), ka marrë 54,07% të votave nga 41,72% për Gustavo Petro i lëvizjes ”Kolumbia humane”, në përfundim të një votimi të shënuar nga një pjesëmarrje prej 52,18%, vendimtare për të ardhmen e marrëveshjes për paqe me ish-guerilasit e FARC-it, që e djathta synon të rishikojë./ /ec/ a.jor.
