TIRANË, 17 qershor/ATSH/ – Investimet e huaja direkte shënuan një rritje të ndjeshme me 61.6% në tremujorin e parë të vitit 2018, krahasuar me të njëjtën periudhë të një viti më parë.
Shifra, e cila i referohet statistikave të Bankës së Shqipërisë, u publikua në pasqyrën e qeverisjes këtë javë.
Sipas Bankës së Shqipërisë, investimet e huaja në tremujorin e parë të këtij viti llogariten në vlerën e 283 milionë eurove.
Në këtë tremujor investimet e huaja u përqendruan kryesisht në sektorin e energjisë, në sektorin e hidrokarbureve dhe në atë të ndërmjetësimit financiar.
/a.gjonaj/ /a.g/
