Qeveria rrit pensionet

TIRANË, 12 qershor/ATSH-Maela Marini/ – Qeveria vendosi sot rritjen e pensioneve në masën 2.8 % për 665 mijë pensionistë në gjithë vendin.

Nga ambientet e Muzeut Arkeologjik në Durrës, Kryeministri Edi Rama doli sot në një konferencë për shtyp, ku informoi për vendimet e marra në mbledhjen e qeverisë të zhvilluar në këtë qark.

Duke informuar mbi këtë vendim, Rama tha se “… për 665 mijë pensionistë kemi rritur pensionet mbi inflacionin”.

“Nëse i referohemi shifrave, kemi vendosur 15 milionë dollarë plus në paketën e pensioneve me 2.8% rritje, duke nisur nga 1 korriku 2018”, – tha Rama.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.