Austria, partner i fuqishëm i Kosovës

PRISHTINË, 30 Maj/ATSH/.- Presidenti i Kosovës, Hashim Thaçi, së bashku me Zëvendëskryeministrin e parë, Behgjet Pacolli, gjatë vizitës zyrtare në Vjenë, zhvilluan një takim miqësor me Presidentin e Austrisë, Alexander Van der Bellen.

Gjatë takimit Thaçi e falënderoi presidentin Bellen, për mbështetjen që i kanë dhënë Kosovës në shumë procese historike, që kanë të bëjnë me formimin dhe forcimin e shtetit të Kosovës.

“Austria është një partner i fuqishëm europian i Kosovës”, theksoi Thaçi.

Nga ana tjetër, Presidenti i Austrisë, Alexander Van der Bellen, u shpreh se “Austria ka një lidhje të veçantë me Kosovën, duke ofruar mbështetjen e pa rezervë të shtetit të tij”./k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.