PRISHTINË, 21 Maj/ATSH/.- Presidenti i Kosovës, Hashim Thaçi, përkujtoi sot heroin Arben Haliti, në 20 vjetorin e rënies.
“Sot u bënë 20 vjet nga rënia e heroit Arben Haliti, i cili ishte pjesë e njësiteve të para të Ushtrisë Çlirimtare të Kosovës. Arbeni qëndroi heroikisht dhe ishte i patrembur në çdo betejë. Gjithmonë ishte në mbështetje të bashkëluftëtarëve, të cilët për t’i shpëtuar nga prita e policisë serbe ku kishin rënë, sakrifikoi edhe jetën e tij”, shkruan Thaçi në Facebook.
Kreu i shtetit shprehet se “Brigada 112 në Zonën Operative të Drenicës, gjatë tërë luftës, me krenari e mbajti emrin e tij”. /KosovaPress/k.s/
