TIRANË, 3 maj /ATSH/ – Këngëtarja shqiptare Dua Lipa do të bëjë hapjen e natës finale të ‘Champions League’.
Lajmi është dhënë pas publikimit të një videoje promovuese të finales së Champions në të cilën Dua shihet në errësirë dhe në sfond dëgjohen tingujt e këngës ‘New Rules’.
Miliarda njerëz të cilët me padurim presin që të filloj ndeshja Liverpool-Real Madrid në Kiev të Ukrainës, do të kenë rastin të shohin fillimisht performancën e këngëtares shqiptare, e cila është aktualisht ndër këngëtaret më të dëgjuara në botë.
Së fundi Dua Lipa ka publikuar këngën “One kiss” me DJ-in e mirënjohur Calvin Harris, që ka marrë miliona klikime në pak ditë. /a.a/
