TIRANË, 24 prill/ATSH/ – I kanë mjaftuar 36 minuta ekipit të Liverpool për të kaluar në avantazh ndaj ekipit të Romës, gol i cili nuk ishte i fundit në këtë takim.
Ndeshja ka përfunduar në shifrar 5 me 2 në favor të ekipit të drejtuar nga Jurgen Klopp dhe protagonist i takimit ishte një “ex” i ekipit të Romës, egjiptian Mohamed Salah, i cili me anë të një goli të mrekullueshëm ndëshkoi ekipin e Romës, duke mos gëzuar për golin.
E ndërsa koha e rregullt e pjesës së parë ishte pranë përfundimit, ka qenë sërish egjiptiani që i gjendur përballë ndaj Alisson Becker nuk ka falur duke shënuar golin e dytë të ndeshjes.
Gjatë pjesës së dytë, Liverpool ka shkatërruar ekipin e Romës duke i shënuar asaj edhe tre gola të tjerë, të cilët kishin si autorë brazilianin Firminho që shënoi 2 gola dhe Sadio Mane, duke e thelluar rezultatin në 5 me 0.
Edhe pse në disavantazhin e 5 golave, ekipi i Romës ka arritur të reagojë duke shënuar dy herë në rrjetën e Liverpool, të cilët kanë si autorë sulmuesin boshnjak Edin Dzeko dhe Diego Perotti.
Rezultati final i ndeshjes është mbyllur në 5 me 2 dhe është mjaftë e vështirë të thuhet se një mrekulli tjetër e Romës mund të ndodhë në stadiumin “Olimpiko” ku do të luhet edhe ndeshja e kthimit mes këtyre dy ekipeve./e.caushi/
