Këmbim valutor, euro zbret nën 130 lekë

TIRANË, 5 Prill /ATSH/- Euro ka shënuar sërish një rekord të ulët në tregun vendas, duke u këmbyer në kuotën e 129.35 lekëve.

Sipas kursit zyrtar të Bankës së Shqipërisë euro ka vijuar të nënçmohet në vend, duke ruajtur tendencën me rënie prej fillimit të muajit mars, ku euro ka humbur ndjeshëm përkundrejt monedhës vendase lek.

Ekspertët e kursit të këmbimit shprehen se arsyeja kryesore të rënies së euros në këto nivele këmbimi i adresohet ofertës së madhe në valutë në tregun e brendshëm, por sipas tyre edhe reflektimi i ecurisë në bursat ndërkombëtare, ku monedha europiane ka shënuar rënie.

Rënie të theksuar vijon të shënojë edhe dollari amerikan, paundi britanik dhe franga zvicerane. Sot monedha e gjelbër këmbehet me 105.35 lekë, ose 0.46 lekë më pak se një ditë më parë dhe përkatësisht dy monedhat e tjera kanë humbur 0.55 lekë dhe 0.72 lekë.

Monedha Kryesore Lekë për njësi të monedhës së huaj
Dollar Amerikan USD 105.35 -0.46
Euro EUR 129.35 -0.62
Poundi Britanik GBP 148.14 -0.55
Franga Zvicerane CHF 109.75 -0.72
Jeni Japonez (100) JPY 98.49 -1.21
Dollari Australian AUD 80.89 -0.31
Dollari Kanadez CAD 82.45 -0.11
Korona Suedeze SEK 12.56 -0.05
Korona Norvegjeze NOK 13.51 +0.01
Korona Daneze DKK 17.37 -0.09
SDR SDR 152.92 -0.76
Ari(OZ 1) XAU 139824.73 -2,279.16
Argjend(OZ 1) XAG 1709.83 -33.92
Juani Kinez (onshore) CNY 16.71 -0.08
Juani Kinez (offshore) CNH 16.74 -0.06

 

e.xh/ /a.g

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.