TIRANË, 27 nëntor /ATSH/ Zëdhënësja e Partisë Demokratike, Ina Zhupa ka reaguar sot ndaj rikthimit të mësuesit në arsim, i dënuar për ngacmime seksuale.
“kriminale sjellja e institucioneve arsimore në pranimin e një mësuesi me rekorde si i dënuar për pedofili dhe ngacmime seksuale”, shprehet Zhupa.
“Ndërkohë që çdo ditë po dëgjojmë raste të tmerrshme me abuzimin me fëmijët, të tilla vendimmarrje janë shenja e pastër sa seriozisht e kanë në parandalimin e këtyre ngjarjeve monstruoze. Ministrat nuk kanë detyrë të shprehen thjesht keqardhje kur ndodhin rastet por të bëjnë punën e tyre që ti shmangnin abuzimin me fëmijët”, tha Zhupa.
“Si deputete, anëtare e komisionit të edukimin kërkoj publikisht nga ministria e arsimit të marr masa për largimin e tij nga puna në shkollën 9-vjeçare “22 Tetori” të qytetit të Beratit. Si dhe të marr masa kontrolli që asnjë me këto rekorde të mos jetë aktualisht i punësuar në shkollat e fëmijëve shqiptar dhe mos ketë asnjë mundësi punësimi në të ardhmen”, deklaroi ajo. /a.a/
