TIRANË 19 nëntor /ATSH-I.Vata/ Kryetari i Partisë Demokratike, Lulzim Basha i është përgjigjur akuzave të ish-kryeministrit Berisha të bëra ditën e sotme për dosjet “Muzin” dhe “Toyota Yaris”.
Në reagimin e tij, Basha shprehet se Berisha ka rënë aq poshtë, sa riciklon akuzat e Edi Ramës.
“I keqardhur sa poshtë ka rënë Sali Berisha që riciklon akuzat e Edi Ramës. Sali Berisha me asnjë trillim nuk do ta bunkerizojë PD për interesat e tij personale. PD është dhe do të jetë përjetë aleate e SHBA dhe askush nuk mund ta shndërrojë në mburojë të interesave personale”, shprehet ai.
/a.a/r.e/
