PRISHTINË, 15 nëntor/ATSH/ Në 24 orët e fundit në Kosovë janë shënuar katër raste të reja me koronavirus.
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informoi se nga 1.058 testime, 4 qytetarë kanë rezultuar pozitiv me COVID-19.
Gjatë 24 orëve të fundit, nuk është shënuar asnjë humbje jete.
Sot janë shëruar 8 qytetarë, derisa numri i përgjithshëm i të shëruarve është 157.548.
Në total numri i rasteve aktive është 424. /KosovaPress/
