TIRANË, 21 tetor /ATSH/ Banka e Shqipërisë bleu 5.8 milionë euro në ankandin e radhës në tregun valutor, ndërsa ofertat e paraqitura nga pjesëmarrësit në ankand kishin shumën totale 8.2 milionë euro.
Në raundin e parë, Banka e Shqipërisë bleu 4.8 milionë euro me një kurs që ishte mes 121.66 dhe 121.77 lekëve.
Ndërsa në në raundin e dytë Banka e Shqipërisë bleu 1 milion euro me kursin mesatar të ponderuar të raundit të parë, prej 121.73 lekësh.
Banka e Shqipërisë kryen blerje të valutës në funksion të menaxhimit të rezervës valutore.
Në fund të muajit gusht, rezerva valutore e Bankës së Shqipërisë kishte vlerën e 4.1 miliardë eurove, 1.7 % më shumë krahasuar me të njëjtën periudhë të vitit të kaluar.
/j.p/r.e/
