ROMË, 29 qershor /ATSH-ANSA/ – Italianët janë prekur nga një ”sëmundje” e re, që ka përfshirë dy në tre persona dhe ajo është varësia nga parashikimi meteorologjik.
Pothuajse të gjithë italianët, 96% e tyre, pyesin për motin të paktën një herë në javë, ndërsa për 20% është madje pothuajse një zakon që ndodh në kohë të ndryshme të ditës.
Mjetet e preferuara për të ditur se çfarë moti do të jetë janë aplikacionet, të ndjekura nga faqet e Internetit, programet televizive dhe radioja.
Midis aplikacioneve dhe faqeve, spikat ”ilmeteo.it”, e cila është faqja më e përdorur nga italianët me pothuajse 5 milionë përdorues mesatar në ditë dhe me gati 10 milionë përdorues në aplikacionin e saj.
Ky është rezultati që del nga sondazhi ”Italianët dhe Meteorologjia”, kryer nga Bva-Doxa në një mostër prej 1 000 personash midis 18 dhe 64 vjeç të shpërndarë në të gjithë Italinë.
Në fakt, një italian në dy kontrollon parashikimet e motit te kjo faqe./ /os/
