ROMË, 2 qershor /ATSH-ANSA/ – Pallati Buckingham ka negociuar në të kaluarën klauzola që përjashtojnë mbretëreshën dhe familjen mbretërore nga ligjet që ndalojnë diskriminimin e bazuar në racë dhe gjini në Britaninë e Madhe, zbuluan sot dokumentet ekskluzive të marra nga “The Guardian” si pjesë e një hetimi.
Sipas gazetës britanike, klauzolat janë ende në fuqi edhe sot.
Dokumentet zbuluan, gjithashtu, se të paktën deri në fund të viteve 1960 “emigrantët ose të huajt me ngjyrë” ishin të përjashtuar nga rolet zyrtare në Pallatin Buckingham./ /ervo/
