TIRANE, 28 maj /ATSH/ -Shërbimi Meteorologjik Ushtarak bën me dije se vendi ynë do të ndikohet nga masa ajrore relativisht të paqëndrueshme dhe të lagështa me origjinë perëndimore. Moti do të jetë me vranësira mesatare dhe të dendura, më tepër të theksuara në zonën e veriut. Në zonën e qendrës dhe atë të jugut mot me alternime kthjellimesh dhe vranësirash. Në veri vranësirat do të shoqërohen me reshje shiu të herëpashershme me intensitet të ulët deri mesatar në formë shtrëngatash. Në periudha afatshkurtra shtrëngatat do të shoqërohen me shkarkesa elektrike dhe breshër.
Era do të fryjë nga veriperëndimi me shpejtësi mesatare 1-8 m/s dhe në mesditë përgjatë bregdetit sërish fiton shpejtësinë deri 12-15 m/s, shoqëruar me valëzim të forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 14/24 | re shi diell |
| Kukës | 12/22 | re shi diell |
| Lezhë | 13/23 | re shi diell |
| Dibër | 11/21 | re shi diell |
| Durrës | 14/24 | re diell |
| Tiranë | 14/26 | re diell |
| Elbasan | 13/26 | re diell |
| Berat | 11/26 | re diell |
| Vlorë | 13/25 | re diell |
| Korçë | 11/23 | re diell |
| Gjirokastër | 10/26 | re diell |
| Sarandë | 12/24 | re diell |
/e.m/
