BAMBERG, 23 maj /ATSH-DPA/ – Një dërgesë e thjeshtë picash doli nga kontrolli në Bavarinë jugore dje në mbrëmje, kur shpërndarësi fatkeq i dorëzoi mallin klientit të gabuar.
Duke supozuar se banori i parë që takoi në adresën e saktë kishte porositur atë ushqimin, shoferi 26-vjeçar ia dorëzoi atij picën.
Në fakt, ajo picë ishte për një tjetër person, në të njëjtin bllok, në qytetin Grafenau në Gjermaninë jugore.
“Banori 31-vjeçar pagoi për picën, por u zemërua kur pa që nuk ishte ajo që ai kishte porositur”, tha policia.
Shpejt banorët e uritur dhe shpërndarësi u përfshinë në një grindje të dhunshme, që përfundoi me dëmtimin e makinës së dorëzimit, kur një person u shty dhe u përplas pas derës së saj.
Policia shpjegoi se ata ende nuk e dinin rrjedhën e saktë të ngjarjeve që çuan në dhunë./ /ervo/
