BRUKSEL, 24 korrik /ATSH-AFP/ – Komisioni Europian gjobiti katër prodhues elektronik të njohur, holandezin “Philips”, tajvanezin “Asus” dhe japonezët “Denon & Marantz” dhe “Pioneer” për praktika të papërshtatshme në tregtinë në internet.
Ekzekutivi europian, mbrojtësi i konkurrencës në BE, ka kritikuar katër kompani për vendosje të çmimeve fikse ose minimale për shitësit e tyre në internet.
“Asus” ka qenë më i sanksionuari me një gjobë prej 63,5 milionë euro, ndjekur nga “Philips” me 29,8 milionë euro, Pioneer (10,1 milionë euro) dhe Denon & Marantz (7,7 milionë euro).
Të gjitha gjobat janë reduktuar me 50% për Pioneer, 40% për të tjerët”, theksoi Komisioni sepse këto katër kompani kanë bashkëpunuar me ekzekutivin europian duke pranuar faktet dhe duke ofruar prova për praktikat e tyre të paligjshme.
“Katër prodhuesit kontaktonin me shitësit në internet, që i shisnin prodhimet e tyre me çmime pak të larta”, theksoi Komisioni.
“Më shumë se gjysma e europianëve kryejnë tashmë blerje në internet. Si pasojë e masave të marra nga këto katër kompani, miliona konsumatorë europianë kanë paguar më shtrenjt aparatet e kuzhinës, tharëset e flokëve, laptopët, kaskat dhe shumë prodhime të tjera”, theksoi komisionerja europiane për Konkurrencën, Margrethe Vestager, cituar në një komunikatë./
/ec/
