WIESBADEN, 30 nëntor /ATSH-DPA/ – “Corona-Pandemie” (pandemia e koronavirusit) është zgjedhur si Fjala e Vitit në gjuhën gjermane për vitin 2020, njoftuan sot ekspertët e linguistikës.
”Në përputhje me temën, fjala “bllokim” mori vendin e dytë”, tha Shoqata për Gjuhën Gjermane (GfdS).
Një juri e gjuhëtarëve analizoi hyrjet në media dhe paraqitjet e tjera për të zgjedhur termat që kanë formuar më shumë jetën politike, ekonomike dhe sociale në gjermanisht këtë vit.
Shumica e termave në renditjen e këtij viti ishin në një farë mënyre të lidhura me pandeminë aktuale.
Fraza “Black Lives Matter” u rendit në vendin e katërt.
Fituesit e mëparshëm të “Fjalës së Vitit” përfshijnë “post-faktike” në 2016, “refugjat” në 2015 dhe “përplasje financiare” në 2008./ a.jor.
