TIRANË, 13 korrik /ATSH/- Operatori i Shpërndarjes së Energjisë Elektrike (OSHEE) për t’i ardhur në ndihmë abonentëve të rinj, ose atyre që nuk kanë matës, apo që duan të zëvendësojnë matësit e dëmtuar, ka finalizuar blerjen e rreth 22 mijë matësave të rinj elektronikë.
Matësit e rinj janë 10 mijë copë matës njëfazorë, ndërsa 12,600 matësit e tjerë janë trefazorë, por të ndarë sipas specifikimeve të rrymës.
Sahatët e rinj janë elektronikë dhe jo analog apo elektromagnetikë me shirit që përdor pjesa më e madhe e familjeve dhe bizneseve. Këta matës janë me bateri dhe kanë një ekran LCD që tregon sasinë e energjisë së konsumuar.
Mbi të gjitha, matësit do të ofrojnë opsionin e leximit të sahatit nga ofruesi i shërbimit, pa pasur nevojë të dërgojnë një faturist në terren. Kjo bëhet përmes lidhjes me portën e rrjetit dhe të dhënat nga çdo matës dërgohen automatikisht çdo 15 minuta.e.xh//m.m/
