ROMË, 20 shtator /ATSH-DPA/ – Italianët po u drejtohen qendrave të votimit për një referendum kushtetues mbi uljen e numrit të deputetëve të parlamentit dhe zgjedhjet lokale që pritet të favorizojnë bllokun e opozitës kombëtare të krahut të djathtë.
Votimi zhvillohet sot dhe nesër. Rezultatet priten gjatë të hënës pasdite.
Rreth 51,6 milionë italianë kanë të drejtë të votojnë në referendumin për uljen e numrit të ligjvënësve në dy dhomat e parlamentit me afërsisht një të tretën.
Dhoma e Deputetëve do të shkojë nga 630 ligjvënës në 400 dhe Senati nga 315 në 200.
Asnjë pjesëmarrje minimale nuk është e nevojshme që votimi të jetë i vlefshëm, mes pritjeve që reforma të miratohet.
Në procesin e votimit të gjithë duhet të jenë me maskë kundër COVID-19./ a.jor.
