MV- Miratohet qeveria e re, Zaev sërish kryeministër i vendit

Marrëveshja parashikon që Zoran Zaev t’i kalojë postin një anëtari të pakicës shqiptare për një periudhë 100 ditore, pas përfundimit të mandatit katër-vjeçar të qeverisë së re dhe para zgjedhjeve të ardhshme.

“Një periudhë sigurie, drejtësie dhe disipline po hapet”, deklaroi Zoran Zaev para Parlamentit, që miratoi me 62 vota pro nga 120 deputetë marrëveshjen e koalicionit, pas dy ditësh debate.

Social-demokratët morën një fitore të ngushtë ndaj kampit nacinalist në zgjedhjet legjislative të korrikut, me 46 vende nga 120 në Parlament.

Këto ishin zgjedhjet e para, që prej kohës kur qeveria e Zoran Zaev shtoi termin “e Veriut” në emrin e vendit në kuadër të zgjidhjes së një konflikti me Greqinë dhe hapjes së rrugës së anëtarësimit të vendit në Bashkimin Europian dhe në NATO, një çështje mbi të cilën Zaev ka premtuar të avancojë./ /ec/