TIRANË, 26 korrik/ATSH/-Shërbimi Meteorologjik Ushtarak bën të ditur se prej orëve të para të ditës së diel deri në mesditë parashikohen vranësira në pjesën qendrore dhe zonat malore.
Më tej, në të gjithë vendin do të mbizotërojë moti me diell e vranësira kalimtare. Përgjatë maleve në veri e qendër të vendit deri në mesditë, parashikohet shi me intensitet të ulët lokal. Kjo situatë, do të pasohet nga erë kryesisht veriperëndimore e lehtë ndërsa në bregdetin jugor mesatare. Valëzimi në dete i forcës 3 dhe 4 ballë.
Temperaturat parashikohen:
Vendet malore 15° deri 30°C
Vendet e ulëta 19° deri 33°C
Vendet bregdetare 20° deri 31°C
