TIRANË, 25 qershor/ATSH/-Aktorja Ema Andrea u shpreh pro ndërtimit të Teatrit të Ri ndërsa i kërkoi kryetarit të bashkisë garanci për projektligjin e ri.
“Unë e kam thënë. Do të doja ti përkisja brezit që po ndërton të ardhmen. Të vihet një gur sot, më pëlqen arktitektura e re, sfidat konteporane. Unë jam për një teatër të ri, për më tëper kur janë këto kushte por kush e mban këtë përgjegjësi, ku do të jetë garancia qoftë kjo institucionale”, tha ajo. Në përgjigje të saj, Veliaj e konsideroi shans historik këtë mundësi për ndërtimin e teatrit ndërsa e konsideroi përgjegjësi marrjen apo jo të vendimeve pasi sipas tij, të dyja kanë përgjegjësi ligjore.
“Garancia është kjo. Ligji thotë është në fazë konsultimi: të caktojmë si për çdo oferte kur vjen një oferte tillë caktohet trupa negociuese. Qeveria thotë se meqë bashkia e ka në dore sot ta shkruajmë sot në ligj, që një përfaqësi artistesh dinjitozë, të jetë pjesë e kësaj dhe kjo të shkruhet në ligj. Ligjit thotë që autorizohet ky grup që të negociojnë. Ky ligj nuk është fundor por palë negociuese. Jam i bindur që procesi i Teatrit të Ri do të prodhojë nevojën për përgjegjësi e marrjes ose jo të vendimeve”, sqaroi Veliaj.
Ai shprehu gadishmërinë e tij për të pranuar kushtet që ndërtimi i Teatrit të Ri Kombëtar të jetë pa kullë.
z,tosku/ /a.g/
