PARIS, 22 qershor /ATSH-AA/ – Në Francë është vendosur që nga 11 korriku të pranohen gradualisht tifozët në stadiumet në të gjithë vendin.
Qeveria e Francës njoftoi se ndalesa e vendosur për praninë e tifozëve në stadiume për shkak të koronavirusit të ri (COVID-19) do të hiqet gradualisht duke filluar nga 11 korriku.
Në fazën e parë ndeshjet në stadiume mund të ndiqen nga maksimalisht 5 000 tifozë.
Ndërsa në mesin e muajit korrik do të vendoset nëse do të pranohen apo jo tifozë në Ligën 1 të Francës (Ligue 1) e cila sezonin 2021-2022 do ta fillojë më 23 gusht.
Në Francë sezoni 2019-2020 ka përfunduar për shkak të COVID-19 ku kampion u shpall ekipi lider i Ligës 1, Paris Saint-Germain (PSG). /os/
