MOSKË, 22 qershor /ATSH-ANSA/ – FIFA përgënjeshtroi akuzat e lojtarit të Marokut, Nordin Amrabat, sipas të cilit, gjatë ndeshjes me Portugalinë, arbitri amerikan, Mark Geiger i kishte kërkuar Ronaldos bluzën si shenjë dhurate
”Geiger i hodhi poshtë kategorikisht deklaratat e Amrabat duke thënë se nuk kishte patur kurrë një kërkesë të tillë nga ana e tij”, tha FIFA me anë të një deklarate.
“Arbitrat e FIFA-s i përmbahen një rregulloreje të ashpër lidhur me marrëdhëniet me skuadrat gjatë një ndeshjeje. Geiger është sjellë në mënyrë shembullore”, shtoi ajo./ a.jor.
