PRISHTINE, 5 qershor /ATSH/ Dy ditë pasi mori besimin e deputetëve, Qeveria Hoti në mbledhjen e së premtes ka miratuar programin qeverisës për vitet 2020-2023.
Kryeministri, Avdullah Hoti duke arsyetuar këtë program tha se në planin afatshkurtër përfshinë rimëkëmbjen ekonomike, luftën ndaj pandemisë, luftimin e korrupsionit dhe përmbylljen e dialogun me Serbinë në kufijtë ekzistues.
Ndërsa, vartësi i Hotit, zëvendëskryeministri Besnik Tahiri tha se në kuadër të programit qeverisës është pako e reformave shtetërore, ku sipas tij, hyn edhe Ligji për Qeverinë.
Krahas këtyre, në mbledhjen e dytë të ekzekutivit, zëvendësja e katërt e kryeministrit Hoti, Albulena Balaj-Halimaj tha se primare duhet të jetë edhe reformat pensionale.
Për shteti e së drejtës foli zëvendëskryeministri tjetër, Driton Selmanaj, por e cila tha se nuk është e qartë ende se a do të bëhet procesi i vetingut në drejtësi, apo jo.
Para votimit të programit qeverisës folën edhe disa prej ministrave të kabinetit Hoti, të cilët sipas dikastereve tyre potencuan prioritetet e tyre. /KosovaPres/
