PRISHTINE, 8 maj /ATSH/ -Federata e Sindikatave të Shëndetësisë së Kosovës kërkon nga Ministria e Financave dhe Transfereve që të përfshijë në lista të gjithë punnjësit e shëndetësisë që punojnë brenda hapësirave të institucioneve shëndetësore.
Përmes një njoftimi për media FSSHK, kërkon që të gjithë punonjësit e shëndetësisë të jenë përfitues të masës së 6 të pakos emergjente duke filluar nga: punëtorët e shërbimeve teknike, bartësit, sigurimi, sanitarët, punëtorët në kuzhinë , IT, punëtorët administrative të institucioneve shëndetësore, farmacistët, profilet jo mjekësore që janë staf i institucioneve shëndetësore deri tek infermierët dhe mjekët.
Menaxhuesit e institucioneve shëndetësore nuk duhet të bien nën trysni por ato duhet që ti dërgojnë listat e kompletuara të përfituesve nga Masa 6 e Pakos Fiskale Emergjente.
FSSHK apelon që të mos bëhet diskriminim ndaj punëtorëve shëndetësor siç është bërë muajin e kaluar e poashtu bën thirrje tek Qeveria nëse kanë dyshime të kërkohet nga Instituti Kombëtar i Shëndetësisë Publike vlerësim në lidhje me rrezikshmërinë.
Për FSSHK-në është e papranueshme pastrimi i listave dhe presioni që po bëhet tek menaxhuesit e institucioneve shëndetësore pa dallim.
Pra edhe njëherë kërkojmë në mënyrë kategorike që të mos ketë diskriminim tek punëtorët në sistemin shëndetësor./KosovaPress/ /e.m/
