MADRID, 6 maj /ATSH-AFP/- Kryeministri spanjoll, Pedro Sanchez, tha sot se një heqje shumë e nxituar e kufizimeve do të ishte e pafalshme, përpara se të bindte deputetët për të zgjatur gjendjen e gatishmërisë në vend, një nga më të prekurit nga pandemia.
“Të injorosh rrezikun e epidemisë dhe të heqjen e gjendjes së gatishmërisë në një mënyrë të nxituar do të ishte një gabim absolut, total dhe i pafalshëm”, argumentoi Sanchez para deputetëve.
Falë deputetëve liberalëve të Ciudadanos dhe nacionalistëve baskë, gjendja e gatishmërisë, që veçanërisht kufizon udhëtime dhe që do të skadonte të shtunën në mesnatë, është zgjatur me dy javë, deri më 23 maj.
Kjo është hera e katërt që gjendja e gatishmërisë zgjatet.
Ajo i lejoi ekzekutivit spanjoll të vendosë më 14 mars kufizimin më të rreptë, i cili filloi të lehtësohej nga fundi i prillit.
Sipas vlerësimit të ri të publikuar sot nga Ministria e Shëndetësisë dhe që konfirmon ngadalësimin e theksuar të epidemisë, Spanja ka regjistruar 244 vdekje nga koronavirusi në 24 orë.
Në total, numri i vdekjeve është 25 857, ndërsa numri i rasteve të konfirmuara ka tejkaluar 220 000./ /ervo/
