MOSKË, 2 maj /ATSH-DPA/ – Rusia publikoi pjesë të arkivit të saj historik ku tregohet pushtimi i Berlinit në 1945, për të shënuar 75-vjetorin e përfundimit të Luftës së Dytë Botërore.
Dokumentet, e vëna në dispozicion në internet nga Ministria e Mbrojtjes, japin detaje në lidhje me betejën e Berlinit, që zgjati disa javë, dhe përfshijnë raporte nga kreu i Forcave të Armatosura të Bashkimit Sovjetik në Gjermani, Georgy Zhukov.
“Çdo rrugë, çdo qark, çdo ndërtesë, apartament, dhomë dhe çdo bodrum është duke u mbrojtur ashpër nga armiku”, thuhet në njërin nga raportet.
Sipas Ministrisë së Mbrojtjes, Rusia publikon rregullisht pjesë të arkivave të saj, me qëllim mbrojtjen e saktësisë historike. // sara/
