PRISHTINE, 12 prill /ATSH/ -Prishtina nga sot do të jetë ndryshe, pasi Ministria e Shëndetësisë ka vendosur që kryeqyteti të jetë në karantinë.
Qarkullimi i automjeteve në kryeqytet sot duket i pakët. Ndërkohë, deri në orën 17:00 do të kenë mundësi të hynë banorët në Prishtinë ose edhe të dalin ata që nuk janë banorë të kryeqytetit.
Hyrjet dhe daljet do të jenë të ndaluara ashtu sikurse edhe grumbullimi i më shumë se dy personave afër njëri -tjetrit./KosovaPress//e.m//a.a/
