MANILA, 10 prill /ATSH-DPA/ – Banka Botërore miratoi një kredi prej 500 milionë dollarësh në ndihmë të Filipineve, për të rritur aftësinë e vendit në adresimin e rreziqeve, katastrofave dhe nevojave urgjente mes pandemisë së koronavirusit.
Kredia është pjesë e mbështetjes afatgjatë të Bankës Botërore për Filipinet, për reforma më të gjera të politikave, me qëllim rritjen e aftësisë për t’u përgatitur dhe përballuar katastrofat.
Kjo është kredia e tretë që Banka Botërore i dha vendit aziatik që nga 2012.
Zyrtari i Bankës Botërore, Achim Fock tha se katastrofat natyrore dhe pandemitë dëmtojnë në mënyrë disproporcionale familjet dhe komunitetet me të ardhura të ulëta.
“Përmirësimi i menaxhimit të rrezikut dhe aftësia për të adresuar këto sfida mund të ndihmojë Filipinet të përparojnë në uljen e varfërisë”, deklaroi Fock. / /sara/
