PRISHTINË, 15 mars /ATSH/ Qeveria e Kosovës, përmes një njoftimi për mediet informon se me kërkesë të ministrit të Shëndetësisë, Arben Vitia, ka marrë vendim që të shpallë emergjencë për shëndetin publik.
Sipas vendimit, detyrohen institucionet e qeverisë së Kosovës të veprojnë konform Planit të Reagimit Kombëtar dhe aktivizimit të funksionit mbështetës emergjent 8 – FME8 shëndeti publik dhe shërbimet mjekësore.
Ministria e Shëndetësisë është përgjegjëse për menaxhimin e situatës së shpallur të emergjencës për shëndetin publik, thuhet në një njoftim për media nga ana e qeverisë së Kosovës.
Sot numri i të prekurve me koronavirus COVID-19 në Kosovë shkoi në 9 persona.
/KosovaPress/
